Perde 3
[Textpart 1]
Quid me amare refert, nisi sim doctus ac dicaculus?
Lysidamvs
sed tu cave in quaesitione mihi sis.—
530
Alcesimvs
Vsque adero domi.—
530
[Textpart 2]
Hoc erat ecastor quod me vir tanto opere orabat meus,
Cleostrata
ut properarem arcessere hanc huc ad me vicinam meam,
liberae aedes ut sibi essent, Casinam quo deducerent.
nunc adeo nequaquam arcessam, ne illis ignavissumis
liberi loci potestas sit, vetulis vervecibus.
535
sed eccum égreditur, senati columen, praesidium popli,
meus vicinus, meo viro qui liberum praehibet locum.
non ecastor vilis emptu est, modio qui venit salis.
Alcesimvs
Miror huc iam non arcessi in proxumum uxorem meam,
quae iam dudum, si arcessatur, ornata exspectat domi.
540
sed eccam, opino arcessit. salve, Cleostrata.
Cleostrata
Et tu, Alcesime.
Alcesimvs
Intus illa te, si se arcessas, manet;
nam tuos vir me orávit, ut eam ístuc ad te adiutum mitterem.
Cleostrata
Sine eam nolo si occupata est.
