Perde 1
[Textpart 1]
quae nisi erunt semper plena, ego te implebo flagris.
Olympio
ita te aggerunda curvom aqua faciam probe,
ut postilena possit ex te fieri.
125
post autem érvi nisi tu acervom éderis
aut quasi lumbricus terram, quod te postules
gustare quicquam, numquam edepol ieiunium
ieiunumst aeque atque ego te ruri reddibo.
post id, quom lassus fueris et famelicus,
130
noctu ut condigne te cubes curabitur.
Olympio
Concludere in fénestram firmiter,
unde auscultare possis quóm ego illam ausculer:
quom mi illa dicet “mi animule, mi Olympio,
mea vita, mea mellilla, mea festivitas,
135
sine tuos ocellos deosculer, voluptas mea,
sine amabo ted amari, meus festus dies,
meus pullus passer, mea columba, mi lepus”,
quom mi haec dicentur dicta, tum tu, furcifer,
quasi mus, in medio pariete versabere.
140
nunc ne tu te mihi respondere postules,
