Perde 5
[Textpart 3]
Cur ego te non novi?
985
Stalagmvs
Quia mos est oblivisci hominibus
985
neque novisse cuius nihili sit faciunda gratia.
Philocrates
Dic mihi, isne istíc fuit, quem vendidisti meo patri,
qui mihi peculiaris datus est?
Stalagmvs
Argentum accepi, nil curavi ceterum.
Philocrates
Quin istic ipsust Tyndarus tuos filius,
990
ut quidem hic árgumenta loquitur. nam is mecum a puero puer
bene pudiceque educatust usque ad adulescentiam.
Hegio
Et miser sum et fortunatus, si vos vera dicitis;
eo miser sum quia male illi feci, si gnatust meus.
eheu, quóm ego plus minusve feci quam me aequom fuit.
995
quod male feci crucior; modo si infectum fieri possiet.
sed eccum incedit huc ornatus haúd ex suis virtutibus.
[Textpart 4]
Vidi ego multa saepe picta, quae Acherunti fierent
Tyndarvs
cruciamenta, verum enim vero nulla adaeque est Acheruns
atque ubi ego fui, in lapicidinis. illic ibi demumst locus,
1000
