Perde 3
[Textpart 5]
vel te interiisse vel periisse praedicent;
Hegio
dum pereas, nihil intererit: dicant vivere.
Tyndarvs
Pol si istuc faxis, haud sine poena feceris,
695
si ille huc rebitet, sicut confido affore.
Aristophontes
Pro di immortales, nunc ego teneo, nunc scio
quid hoc sít negoti. meus sodalis Philocrates
in libertate est ad patrem in patria. bene est,
nec quisquam est mihi, aeque melius cui velim.
700
sed hoc mihi aegre est, me huic dedisse operam malam,
qui nunc propter me meaque verba vinctus est.
Hegio
Votuin te quicquam mi hodie falsum proloqui?
Hegio
Cur es ausus mentiri mihi?
Tyndarvs
Quia vera obessent illi quoi operam dabam:
705
at erum servavi, quem servatum gaudeo,
cui me custodem addiderat erus maior meus.
sed malene id factum árbitrare?
