Perde 3
[Textpart 5]
ita mi exemisti Philocratem fallaciis.
Hegio
illum esse servom credidi, te liberum;
675
ita vosmet aiebatis itaque nomina
facta esse ita ut tu dicis, et fallaciis
abiisse eum abs te mea opera atque astutia;
an, obsecro hercle te, id nunc suscenses mihi?
680
Hegio
At cum cruciatu maxumo id factumst tuo.
Tyndarvs
Dum ne ob male facta, peream, parvi aestumo.
si ego hic peribo, ast ille ut dixit non redit,
at erit mi hoc factum mortuo memorabile,
me meum erum captum ex servitute atque hostibus
685
reducem fecisse liberum in patriam ad patrem,
meumque potius me caput periculo
praeoptavisse, quam is periret, ponere.
Hegio
Facito ergo ut Acherunti clueas gloria.
Tyndarvs
Qui per virtutem, periit, at non interit.
690
Hegio
Quando ego te exemplis pessumis cruciavero
atque ob sutelas tuas te morti misero,
