Perde 2
Philocrates
Non igitur nos soli ignavi fuimus.
Hegio
Secede huc. nam sunt quae éx te solo scitari volo.
quarum rerum te falsilocum mi esse nolo.
quod sciam. si quid nescibo, id nescium tradam tibi.
265
Tyndarvs
Nunc senex est in tostrina, nunc iam cultros attinet.
ne id quidem, involucrum inicere, voluit, vestem ut ne inquinet.
sed utrum strictimne adtonsurum dicam esse an per pectinem,
nescio; verum, si frugist, usque admutilabit probe.
Hegio
Quid tu? servosne esse an liber mavelis, memora mihi.
270
Philocrates
Proxumum quod sit bono quodque a malo longissume,
id volo; quamquam non multum fuit molesta servitus,
nec mihi secus erat quam si essem familiaris filius.
Tyndarvs
Eugepae, Thalem talento non emam Milesium,
nam ad sapientiam huius nimius nugator fuit.
275
ut facete orationem ad servitutem contulit.
Hegio
Quo de genere natust illic Philocrates?
