Perde 1
[Textpart 2]
ego, postquam gnatus tuos potitust hostium,
Ergasilvs
expertus quanti fuerit nunc desidero.
145
Hegio
Alienus cum eius incommodum tam aegre feras,
quid me patrem par facerest, cui ille est unicus?
Ergasilvs
Alienus ego? alienus illi? aha, Hegio,
numquam istuc dixis neque animum induxis tuom;
tibi ille únicust, mi etiam unico magis unicus.
150
Hegio
Laudo, malum cum amici tuom ducis malum.
Ergasilvs
Eheu, huic illud dolet,
quia nunc remissus est edendi exercitus.
Hegio
Nullumne interea nactu's nactus es , qui posset tibi
remissum quem dixti imperare exercitum?
155
Ergasilvs
Quid credis? fugitant omnes hanc provinciam,
quoi optigerat postquam captust Philopolemus tuos.
Hegio
Non pol mirandum est fugitare hanc provinciam.
multis et multigeneribus opus est tibi
militibus: primumdum opus est Pistorensibus;
160
eorum sunt aliquot genera Pistorensium:
opus Pániceis est, opus Placentinis quoque;
