Perde 1
[Textpart 1]
unde sáturitate saepe ego exii ebrius.
[Textpart 2]
Advorte animum sis tu: istos captivos duos,
110
Hegio
heri quos emi de praeda a quaestoribus,
eis indito catenas singularias
istas, maiores, quibus sunt iuncti, demito;
sinito ambulare, si foris si intus volent,
sed uti adserventur magna diligentia.
115
liber captivos avis ferae consimilis est:
semel fugiendi si data est occasio,
satis est, numquam postilla possis prendere.
Lorarivs
Omnes profecto liberi lubentius
Hegio
Non videre ita tu quidem.
120
Lorarivs
Si non est quod dem, mene vis dem ipse—in pedes?
Hegio
Si dederis, erit extemplo mihi quod dem tibi.
Lorarivs
Avis mé ferae consimilem faciam, ut praedicas.
Hegio
Ita ut dícis: nam si faxis, te in caveam dabo.
sed satis verborumst. cura quae iussi atque abi.
125
ego ibo ad fratrem ad alios captivos meos,
visam ne nocte hac quippiam turbaverint.
