Perde 4
[Textpart 7]
si mihi dat operam, me illi irasci iniurium est.
Lyconides
ibo intro, ubí de capite meo sunt comitia.—
700
[Textpart 8]
Picis divitiis, qui aureos montes colunt,
Strobilvs
ego solus supero. nam istos reges ceteros
memorare nolo, hominum mendicabula:
ego sum ille rex Philippus. o lepidum diem.
nam ut dudum hinc abii, multo illo adveni prior
705
multoque prius me conlocavi in arborem
indéque spectabam aúrum ubi abstrúdebat senex.
ubi ille ábiit, ego me deorsum duco de arbore,
exfodio aulam auri plenam. inde ex eo loco
video recipere se senem; ille me non videt,
710
nam ego declinavi paululum me extra viam.
attat, eccum ipsum. íbo ut hoc condam domum.—
[Textpart 9]
Perii ínterii occidi. quó curram? quo nón curram? tene, téne. quem? quis?
Evclio
nesció, nil video, caécus eo atque equidém quo eam aut ubi sim aút qui sim
nequeó cum animo certum ínvestigare. óbsecro vos ego, mi aúxilio,
715
oro óbtestor, sitís et hominem demónstretis, quis eam ábstulerit.
quid est? quíd ridetis? nóvi omnes, scio fúres esse hic cómplures,
qui véstitu et creta óccultant sese átque sedent quasi sínt frugi.
