Perde 4
[Textpart 4]
Cave sis † te videam.—
660
[Textpart 5]
Emortuom ego me mavelim leto malo
Strobilvs
quam non ego illi dém hodie insidias seni.
nam híc iam non audebit aurum abstrudere:
credo ecferet iam secum et mutabit locum.
attat, foris crépuit. senex eccum aurum ecfert foras.
665
tantisper huc ego ad iánuam concessero.
[Textpart 6]
Fide censebam maxumam multo fidem
Evclio
esse, ea sublevit os mihi paenissume:
ni subvenisset corvos, periissem miser.
nimis hercle ego illum corvom ad me veniat velim,
670
qui indicium fecit, ut ego ílli aliquid boni
dicam; nam quod edit tam duim quam perduim.
nunc hoc ubi abstrúdam cogito solum locum.
Silvani lucus extra murum est avius,
crebro salicto oppletus. ibi sumam locum.
675
certumst, Silvano potius credam quam Fide.—
Strobilvs
Euge, euge, di me salvom et servatum volunt.
iam ego illúc praecurram atque inscendam aliquam in arborem
indeque óbservabo, aúrum ubi abstrudat senex.
