Perde 3
[Textpart 3]
Temperi, postquam implevisti fusti fissorum caput.
Evclio
Intro abite, opera huc conducta est vostra, non oratio.
455
Congrio
Heus, senex, pro vapulando hercle égo abs te mercedem petam.
coctum ego, non vapulatum, dudum conductus fui.
Evclio
Lege agito mecum. molestus ne sis. i et cenam coque,
aut abi in malum cruciatum ab aedibus.
[Textpart 4]
Illic hinc abiit. di immortales, facinus audax incipit
460
Evclio
qui cum opulento pauper homine coepit rem habere aut negotium.†
veluti Megadorus temptat me ómnibus miserum modis,
qui simulavit mei honoris mittere huc causa coquos:
is ea causa misit, hoc qui surriperent misero mihi.
condigne etiam meus med intus gallus gallinacius,
465
qui érat anu peculiaris, perdidit paenissume.
ubi erat haec defossa, occepit ibi scalpurrire ungulis
cirum circa. quid opust verbis? ita mihi pectus peracuit:
capio fustem, obtrunco gallum, furem manufestarium.
credo edepol ego illi mercedem gallo pollicitos coquos,
470
si id palam fecisset. exemi ex manu † manubrium.
quid opust verbis? facta est pugna in gallo gallinacio.
