Perde 3
[Textpart 2]
Quid est quá prohibes nunc gratia nos coquere hic cenam?
435
Congrio
quid fecimus, quid diximus tibi secus quam velles?
Evclio
Etiam rogitas, sceleste homo, qui angulós in omnis
mearum aedium et conclavium mihi pervium facitis?
ibi ubí tibi erat negotium, ad focum si adesses,
non fissile auferres caput: merito id tibi factum est.
440
adeo ut tu meam sententiam iam noscere possis:
si ad ianuam huc accesseris, nisi iussero, propius,
ego te faciam miserrimus mortalis uti sis.
scis iam meam sententiam.—
Congrio
Quo abis? redi rursum.
ita me bene amet Laverna, uti te iam, nisi reddi
445
mihí vasá iubes, pípulo hic differam ante aédis.
quíd ego nunc agám? ne ego edepol véni huc auspició malo.
nummo sum conductus: plus iam medico mercedest opus.
[Textpart 3]
Hoc quidem hercle, quoquo íbo, mecum erit, mecum feram,
Evclio
neque isti id in tantis periclis umquam committam ut siet.
450
ite sane nunciam omnes, et coqui et tibicinae,
etiam íntro duce, si vis, vel gregem venalium,
coquite, facite, festinate nunciam quantum libet.
