Perde 2
[Textpart 2]
Da mi operam parumper. paucis, Euclio, est quod te volo
Megadorvs
de communi re appellare mea et tua.
200
Evclio
Ei misero mihi,
200
aurum mi intus harpagatum est. nunc hic eam rem volt, scio,
mecum adire ad pactionem. verum intervisam domum.
Evclio
Iam ad te revortar: nunc est quod visam domum.—
Megadorvs
Credo edepol, ubi mentionem ego fecero de filia,
mi ut despondeat, sese a me derideri rebitur;
205
neque illo quisquam est alter hodie ex paupertate parcior.
Evclio
Di me servant, salva res est. salvom est si quid non perit.
nimis malé timui. prius quam íntro redii, exanimatus fui.
redeo ad te, Megadore, si quid me vis.
quaeso, quod te percontabor, ne id te pigeat proloqui.
210
Evclio
Dum quidem né quid perconteris quod non lubeat proloqui.
Megadorvs
Dic mihi, quali me arbitrare genere prognatum?
