Perde 5
[Textpart 2]
Iam subrupuisti pallam, quam scorto dares?
Philaenivm
Ecastor qui subrupturum pallam promisit tibi.
930
Argyrippvs
Ego dissuadebam, mater.
istoscine patrem aequom est mores liberis largirier?
Demaenetvs
Pol, si aliud nil sit, tui me, uxor, pudet.
Artemona
Cano capite te cuculum uxor ex lustris rapit.
Demaenetvs
Non licet manere (cena coquitur) dum cenem modo?
935
Artemona
Ecastor cenabis hodie, ut dignus es, magnum malum.
Demaenetvs
Male cubandum est: iudicatum me uxor abducit domum.
Argyrippvs
Dicebam, pater, tibi, ne matri consuleres male.
Philaenivm
De palla memento, amabo.
Demaenetvs
Iuben hanc hinc abscedere?
Philaenivm
Da savium etiam prius quam abis.
940
Demaenetvs
I in crucem.
940
Philaenivm
Immo intro potius. sequere hac me, mí anime.
Argyrippvs
Ego vero sequor.
