Perde 5
[Textpart 2]
suspicabar atque insontis miseras cruciabam.
iube dari vinum; iam dudum factum est cum primum bibi.
890
Demaenetvs
Da, puere, ab summo. áge tu interibi ab infimo da savium.
Artemona
Perii misera, ut osculatur carnufex, capuli decus.
Demaenetvs
Edepol animam suaviorem aliquanto quam uxoris meae.
Philaenivm
Dic amabo, an fetet anima úxoris tuae?
bibere malim, si necessum sit, quam illam oscularier.
895
Artemona
Ain tandem? edepol ne tu istuc cum malo magno tuo
Dixisti in me. sine, revenias modo domum, faxo ut scias
quid pericli sit dotatae uxori vitium dicere.
Philaenivm
Miser ecastor es.
Artemona
Ecastor dignus est.
Argyrippvs
Quid ais, pater?
Demaenetvs
Egone illam? nunc amo, quia non adest.
900
Argyrippvs
Quid cum adest?
Demaenetvs
Periisse cupio.
Parasitvs
Amat homo hic te, ut praedicat.
