Perde 3
[Textpart 2]
ubi saepe causam dixeris pendens adversus octo
Leonida
artutos, audacis viros, valentis virgatores.
565
Libanvs
Fateor profecto ut praedicas, Leonida, esse vera;
verum edepol ne etiam túa quoque malefacta iterari multa
et vero possunt: ubi sciens fideli infidus fueris,
ubi prensus in furto sies manifesto et verberatus,
ubi periuraris, ubi sacro manus sis admolitus,
570
ubi eris damno, molestiae et dedecori saepe fueris,
ubi creditum quod sit tibi datum esse pernegaris,
ubi amicae quám amico tuo fueris magis fidelis,
ubi saepe ad languorem tua duritia dederis octo
validos lictores, ulmeis adfectos lentis virgis.
575
num male relata est gratia, ut collegam collaudavi?
Leonida
Vt meque teque maxime atque ingenio nostro decuit.
Libanvs
Iam omitte ista atque hoc quod rogo responde.
Libanvs
Argenti vinginti minas habesne?
edepol senem Demaenetum lepidum fuisse nobis:
580
ut adsimulabat Sauream med esse quam facete!
