Perde 5
[Textpart 1]
ego cunas recessim rursum vorsum trahere et ducere,
Bromia
metuens pueris, mihi formidans; tantoque angues acrius
persequi. postquam conspexit angues ille alter puer,
citus e cunis exilit, facit recta in anguis impetum:
1115
alterum altera prehendit eos manu perniciter.
Amphitrvo
Mira memoras, nimis formidolosum facinus praedicas;
nam mihi horror membra misero percipit dictis tuis.
quid fit deinde? porro loquere.
Bromia
Puer ambo angues enicat.
dum haec aguntur, voce clara exclamat uxorem tuam—
1120
Bromia
Summus imperator divom atque hominum Iuppiter.
is se dixit cum Alcumena clam consuetum cubitibus,
eumque filium suom esse qui illos angues vicerit;
alterum tuom esse dixit puerum.
Amphitrvo
Pol me haud paenitet,
si licet boni dimidium mihi dividere cum Iove.
1125
abi domum, iube vasa pura actutum adornari mihi,
ut Iovis supremi multis hostiis pacem expetam.
ego Teresiam coniectorem ádvocabo et consulam
