Perde 2
[Textpart 2]
plus aégri ex ábitu virí, quam ex advéntu volúptatis cépi. sed hóc me beát
Alcvmena
saltém, quom perduéllis vicít et domúm laudis cómpos revénit:
absít, dum modó laude párta
domúm recipiát se; feram ét perferam úsque
645
abitum éius ánimo forti átque offirmáto, id módo si mercédis
datúr mi, ut meús victor vír belli clúeat.
virtús praemium ést optimúm;
virtús omnibús rebus ánteit profécto:
libértas salús vita rés et paréntes, patria ét prognáti
650
virtús omnia ín sese habét, omnia ádsunt
Amphitrvo
Édepol me uxori éxoptatum crédo adventurúm domum,
quae me amat, quam contra amo, praesertim re gesta bene,
655
victis hostibus: quos nemo posse superari ratust,
eos auspicio meo atque ductu primo coetu vicimus.
certe enim méd illi expectatum optato venturum scio.
Sosia
Quid? me non rere expectatum amicae venturum meae?
