Perde 2
[Textpart 1]
Non soleo ego somniculose éri imperia persequi.
Sosia
vigilans vidi, vigilans nunc te video, vigilans fabulor,
vigilantem ille me iam dudum vigilans pugnis contudit.
Sosia
Sosia, inquam, ego ille. quaeso, nonne intellegis?
625
Amphitrvo
Qui, malum, intellegere quisquam potis est? ita nugas blatis.
Sosia
Verum actutum nosces, quom illum nosces servom Sosiam.
Amphitrvo
Sequere hac igitur me, nam mi istuc primum exquisito est opus.
sed vide ex navi efferantur quae imperavi iam omnia.
Sosia
Et memor sum et diligens, ut quae imperes compareant;
630
non ego cum vino simitu ébibi imperium tuom.
Amphitrvo
Vtinam di faxint, infecta dicta re eveniant tua.
[Textpart 2]
Satín parva rés est volúptatum in víta atque in aétate agúnda
Alcvmena
praequám quod moléstum est? ita cuíque comparátum est in aétate hominum;
ita dívis est plácitum, volúptatem ut maéror comés consequátur:
635
quin íncommodí plus malíque ilico ádsit, boní si optigít quid.
nam ego íd nunc expérior domo átque ipsa dé me sció, cui volúptas
parúmper datást, dum virí mei míhi potéstas vidéndi fuit
noctem únam modo; átque is repénte abiit á me hinc ánte lucem.
sola híc mihi nunc vídeor, quia ílle hinc abést quem ego amó praeter omnes.
640
