Perde 2
[Textpart 1]
apud erum qui vera loquitur, si id vi verum vincitur.
Amphitrvo
Quo id, malum, pacto potest nam (mecum argumentis puta)
fieri, nunc uti tu et hic sis et domi? id dici volo.
Sosia
Sum profecto et hic et illíc. hoc cuivis mirari licet,
neque tibi istuc mirum mágis videtur quam mihi.
595
Sosia
Nihilo, inquam, mirum magis tibi istuc quam mihi;
neque, ita me di ament, credebam primo mihimet Sosiae,
donec Sosia illic egomet fecit sibi uti crederem.
ordine omne, uti quicque actum est, dúm apud hostis sedimus,
edissertavit. tum formam una abstulit cum nomine.
600
neque lac lactis magis est simile quam ille ego similest mei.
nam ut dudum ante lucem a portu me praemisisti domum—
Sosia
Prius multo ante aedis stabam quam illo adveneram.
Amphitrvo
Quas, malum, nugás? satin tu sanus es?
Amphitrvo
Huic homini nescio quid est mali mala obiectum manu,
605
Sosia
Fateor, nam sum obtusus pugnis pessume.
