Perde 2
[Textpart 2]
Equidem ecastor sana et salva sum.
730
Amphitrvo
Quor igitur praedicas,
730
té heri me vidisse, qui hac noctu in portum advecti sumus?
ibi cenavi atque ibi quievi in navi noctem perpetem,
neque meum pedem huc íntuli etiam in aedis, ut cum exercitu
hinc profectus sum ad Teloboas hostis eosque ut vicimus.
Alcvmena
Immo mecum cenavisti et mecum cubuisti.
735
Amphitrvo
Non de hac quidem hercle re; de áliis nescio.
Alcvmena
Primulo diluculo abiisti ad legiones.
Sosia
Recte dicit, ut commeminit: somnium narrat tibi.
sed, mulier, postquam experrecta es, te prodigiali Iovi
aut mola salsa hodie aut ture comprecatam oportuit.
740
Sosia
Tua istuc refert—si curaveris.
Alcvmena
Iterum iám hic in me inclementer dicit, atque id sine malo.
Amphitrvo
Tace tu. tu dic: egone abs te abii hinc hodie cum diluculo?
Alcvmena
Quis igitur nisi vos narravit mi, illi ut fuerit proelium?
