Perde 1
[Textpart 2]
Amphitruo subditivos eccum exit foras
Mercvrivs
cum Alcumena uxore usuraria.
[Textpart 3]
Béne vale, Alcumena, cura rem communem, quod facis;
Ivppiter
atque inperce quaeso: menses iam tibi esse actos vides.
500
mihi necesse est ire hinc; verum quod erit natum tollito.
Alcvmena
Quid istuc est, mi vir, negoti, quod tu tam subito domo
Ivppiter
Edepol haud quod tui me neque domi distaedeat;
sed ubi summus imperator non adest ad exercitum,
citius quod non facto est usus fit quam quod facto est opus.
505
Mercvrivs
Nimis hic scitust sycophanta, qui quidem meus sit pater.
observatote eum, quam blande mulieri palpabitur.
Alcvmena
Ecastor te experior quanti facias uxorem tuam.
Ivppiter
Satin habes, si feminarum nulla est quam aeque diligam?
Mercvrivs
Edepol ne illa si istis rebus te sciat operam dare,
510
ego faxim ted Amphitruonem esse malis, quam Iovem.
Alcvmena
Experiri istuc mavellem me quam mi memorarier.
prius abis quam lectus ubi cubuisti concaluit locus.
heri venisti media nocte, nunc abis. hocin placet?
Mercvrivs
Accedam atque hanc appellabo et subparasitabor patri.
515
