Perde 1
[Textpart 1]
Vbi ego Sosia nolim esse, tu esto sane Sosia;
Mercvrivs
nunc, quando ego sum, vapulabis, ni hinc abis, ignobilis.
440
Sosia
Certe edepol, quom illum contemplo et formam cognosco meam,
quem ad modum ego sum (saepe in speculum inspexi), nimis similest mei;
itidem habet petasum ac vestitum: tam consimilest atque ego;
sura, pes, statura, tonsus, oculi, nasum vel labra,
malae, mentum, barba, collus: totus. quid verbis opust?
445
si tergum cicatricosum, nihil hoc similist similius.
sed quom cogito, equidem certo idem sum qui semper fui.
novi erum, novi aedis nostras; sane sapio et sentio.
non ego illi obtempero quod loquitur. pultabo foris.
Mercvrivs
Quó agis te?
450
Mercvrivs
Quadrigas si nunc inscendas Iovis
450
atque hinc fugias, ita vix poteris effugere infortunium.
Sosia
Nonne erae meae nuntiare quod erus meus iussit licet?
Mercvrivs
Tuae si quid vis nuntiare: hanc nostram adire non sinam.
nam si me inritassis, hodie lumbifragium hinc auferes.
Sosia
Abeo potius. di immortales, obsecro vostram fidem,
455
ubi ego perii? ubi immutatus sum? ubi ego formam perdidi?
