Perde 5
[Textpart 3]
Scio: istuc ibam. Multa in homine, Demea,
MICIO
Signa insunt ex quibus coniectura facile fit,
Duo quum idem faciunt, saepe ut possis dicere,
Hoc licet impune facere huic, illi non licet;
825
Non quod dissimilis res sit, sed quod is qui facit:
Quae ego illis inesse video, ut confidam fore
Ita ut volumus: video sapere, intelligere, in loco
Vereri, inter se amare: scires liberum
Ingenium atque animum; quovis illos tu die
830
Reducas. At enim metuas ne ab re sint tamen
Omissiores paullo. O noster Demea,
Ad omnia alia aetate sapimus rectius:
Solum unum hoc vitium senectus affert hominibus;
Attentiores sumus ad rem omnes quam sat est:
835
Quod illos sat aetas acuet.
Bonae tuae istae nos rationes, Micio,
Et tuus iste animus aequus, subvertant.
Non fiet: mitte iam istaec: da te hodie mihi:
