Perde 4
[Textpart 2]
I sane. Ego te exercebo hodie ut dignus es, silicernium.
SYRUS
Aeschinus odiose cessat: prandium corrumpitur.
Ctesipho autem in amore est totus. Ego iam prospiciam mihi:
Nam iam adibo, atque unumquicquid quod quidem erit bellissimum
590
Carpam; et cyathos sorbilans paulatim hunc producam diem.
[Textpart 3]
Ego in hac re nihil reperio quamobrem lauder tantopere, Hegio:
MICIO
Meum officium facio; quod peccatum a nobis ortum est corrigo:
Nisi si me in illo credidisti esse hominum numero qui ita putant,
Sibi fieri iniuriam ultro si quam fecere ipsi expostules,
595
Et ultro accusant: id quia non est a me factum agis gratias?
HEGIO
Ah, minime: nunquam te aliter atque es in animum induxi meum.
Sed quaeso ut una mecum ad matrem virginis eas, Micio,
Atque istaec eadem quae mihi dixti tute dicas mulieri;
Suspicionem hanc propter fratrem eius esse et illam psaltriam.
600
MICIO
Si ita aequum censes, aut si ita opus est facto, camus.
Nam et illi animum iam relevabis, quae dolore ac miseria
Tabescit; et tuo officio fueris functus: sed si aliter putas,
Egomet narrabo quae mihi dixti.
