Perde 4
[Textpart 2]
Praeterito hac recta platea sursum: ubi eo veneris,
SYRUS
Clivus deorsum versus est: hac te praecipitato: postea
575
Est ad hanc manum sacellum; ibi angiportum propter est.
SYRUS
Illic ubi etiam caprificus magna est: nostin?
DEMEA
Id quidem angiportum non est pervium.
Censen hominem me esse? erravi. In porticum rursum redi:
Sane hac multo propius ibis, et minor est erratio.
580
Scin Cratini huius ditis aedes?
SYRUS
Ubi eas praeterieris
Ad sinistram hac recta platea: ubi ad Dianae veneris
Ito ad dextram: priusquam ad portam venias apud ipsum lacum
Est pistrilla et exadversum fabrica: ibi est.
SYRUS
Lectulos in sole ilignis pedibus faciendos dedit.
585
DEMEA
Ubi potetis vos? Bene sane. Sed cesso ad eum pergere?
