Perde 4
AESCHINUS
Obsecro, non? an illam hinc abducet, pater?
MICIO
Quid illam ni abducat?
AESCHINUS
Factum a vobis duriter
Immisericorditerque; atque etiam, si est, pater,
Dicendum magis aperte, illiberaliter.
665
AESCHINUS
Rogas me? quid illi tandem creditis
Fore animi misero quicum illa consuevit prius,
Qui infelix haud scio an illam misere nunc amat,
Quum hanc sibi videbit praesens praesenti eripi,
Abduci ab oculis? Facinus indignum, pater.
670
MICIO
Qua ratione istuc? quis despondit? quis dedit?
Cui, quando nupsit? auctor his rebus quis est?
AESCHINUS
An sedere oportuit
Domi virginem tam grandem, dum cognatus hinc
Illinc veniret exspectantem? Haec, mi pater,
675
Te dicere aequum fuit, et id defendere.
MICIO
Ridiculum: adversumne illum causam dicerem
