Perde 3
[Textpart 2]
Fateatur, quum amet aliam, non est utile hanc illi dari:
GETA
Quapropter quoquo pacto tacito est opus.
SOSTRATA
Ah, minime gentium:
GETA
Hem, mea Sostrata, vide quam rem agas.
SOSTRATA
Peiore res loco non potest esse quam in quo nunc sita est.
Primum indotata est: tum praeterea quae secunda ei dos erat
345
Periit: pro virgine dari nuptum non potest. Hoc reliquum est:
Si infitias ibit, testis mecum est annulus quem amiserat.
Postremo, quando ego conscia mihi sum a me culpam esse hanc procul,
Neque pretium neque rem ullam intercessisse illa aut me indignam, Geta,
GETA
Quid ista? accedo, ut melius dicas.
350
SOSTRATA
Tu, quantum potes,
350
Abi, atque Hegioni cognato huius rem omnem narrato ordine;
Nam is nostro Simulo fuit summus, et nos coluit maxime.
GETA
Nam hercle alius nemo respicit nos.
SOSTRATA
Propera tu, mea Canthara,
