Perde 3
[Textpart 3]
Nam quid tu hic agas,
SYRUS
Ubi si quid bene praecipias nemo obtemperet?
DEMEA
Ego vero hinc abeo, quando is quamobrem huc veneram
435
Rus abiit: illum curo unum: ille ad me attinet.
Quando ita vult frater, de istoc ipse viderit.
Sed quis illic est procul quem video? estne hic Hegio,
Tribulis noster? si satis cerno, is hercle est: vah,
Homo amicus nobis iam inde a puero. Di boni!
440
Nae illiusmodi iam nobis magna civium
Penuria est: homo antiqua virtute ac fide.
Haud cito mali quid ortum ex hoc sit publice.
Quam gaudeo ubi etiam huius generis reliquias
Restare video! Ah, vivere etiam nunc libet.
445
Opperiar hominem hic, ut salutem et conloquar.
[Textpart 4]
Pro Di immortales, facinus indignum, Geta.
Tam illiberale facinus esse ortum? O Aeschine,
Pol haud paternum istuc dedisti.
450
