Perde 3
[Textpart 3]
Hoc vitio datur.
SYRUS
Non hercle otium est
Nunc mihi auscultandi. Pisces ex sententia
420
Nactus sum: hi mihi ne corrumpantur cautio est:
Nam id nobis tam flagitium est quam illa, Demea,
Non facere vobis quae modo dixti: et, quod queo,
Conservis ad eundem istunc praecipio modum:
Hoc salsum est; hoc adustum est; hoc lautum est parum,
425
Illud recte: iterum sic memento: sedulo
Moneo quae possum pro mea sapientia.
Postremo tanquam in speculum in patinas, Demea,
Inspicere iubeo, et moneo quid facto usus siet.
Inepta haec esse nos quae facimus sentio:
430
Verum quid facias? ut homo est, ita morem geras.
DEMEA
Mentem vobis meliorem dari.
