Perde 5
[Textpart 3]
Nescio quid suspicarier; magis coepi instare ut dicat.
BACCHIS
Homo se fatetur vi in via nescio quam compressisse;
Dicitque sese illi annulum, dum luctat, detraxisse.
Eum haec cognovit Myrrhina in digito modo me habente.
830
Rogat unde sit? narro omnia haec: inde est cognitio facta
Philumenam compressam esse ab eo, et filium inde hunc natum.
Haec tot propter me gaudia illi contigisse laetor;
Etsi hoc meretrices aliae nolunt; neque enim est in rem nostram
Ut quisquam amator nuptiis laetetur: verum ecastor
835
Nunquam animum quaesti gratia ad malas adducam partes.
Ego dum illo licitum est usa sum benigno et lepido et comi.
Incommode mihi nuptiis evenit: factum fateor.
At pol me fecisse arbitror ne id merito mihi eveniret.
Multa ex quo fuerint commoda, eius incommoda aequum est ferre.
840
[Textpart 4]
Vide, mi Parmeno, etiam sodes ut mihi haec certa et clara attuleris,
PAMPHILUS
Ne me in breve coniicias tempus gaudio hoc falso frui.
PAMPHILUS
Deus sum, si hoc ita est.
