Perde 5
[Textpart 1]
Sine dicam. Uxorem hanc prius quam duxit, vestrum amorem pertuli.
LACHES
Mane: nondum etiam dixi id quod volui. Hic nunc uxorem habet:
745
Quaere alium tibi firmiorem, dum tibi tempus consulendi est;
Nam neque ille hoc animo erit aetatem, neque pol tu eadem istac aetate.
LACHES
Te ipsam; et filiam abduxit suam;
Puerumque ob eam rem clam voluit natus qui est extinguere.
BACCHIS
Aliud si scirem qui firmare meam apud vos possem fidem
750
Sanctius quam iusiurandum, id pollicerer tibi, Lache,
Me segregatum habuisse, uxorem ut duxit, a me Pamphilum.
LACHES
Lepida es; sed scin quid volo potius sodes facias?
LACHES
Eas ad mulieres huc intro, atque istuc iusiurandum idem
Polliceare illis: exple animum iis, teque hoc crimine expedi.
755
BACCHIS
Faciam; quod pol, si esset alia ex hoc quaestu, haud faceret scio,
Ut de tali causa nuptae mulieri se ostenderet.
Sed nolo falsa fama esse gnatum suspectum tuum,
Nec leviorem vobis, quibus est minime aequum, viderier
