Perde 5
[Textpart 4]
Immo etiam hoc qui occultari facilius credas dabo.
BACCHIS
Myrrhina ita Phidippo dixit, iuriiurando meo
870
Se fidem habuisse, et propterea te sibi purgatum.
Speroque hanc rem esse eventuram nobis ex sententia.
PARMENO
Here, licetne scire ex te hodie quid sit quod feci boni;
Aut quid istuc est quod vos agitis?
Egone hunc ab Orco mortuum? quo pacto?
875
PAMPHILUS
Nescis, Parmeno,
875
Quantum hodie profueris mihi, et me ex quanta aerumna extraxeris.
PARMENO
Immo vero scio; neque hoc imprudens feci.
PAMPHILUS
Ego istuc satis scio.
BACCHIS
An temere quicquam Parmenonem praetereat quod facto usus sit?
PAMPHILUS
Sequere me intro, Parmeno.
PARMENO
Sequor. Equidem plus hodie boni
Feci imprudens quam sciens ante hunc diem unquam.
880
