Perde 4
[Textpart 4]
Quum ex te esset aliquis qui te appellaret patrem.
LACHES
Evenit: habeo gratiam Dis.
LACHES
Reduc uxorem, ac noli adversari mihi.
PAMPHILUS
Pater, si ex me illa liberos vellet sibi,
655
Aut se esse mecum nuptam, satis certo scio
Non me clam haberet quod celasse intelligo.
Nunc quum eius alienum esse a me animum sentiam,
Nec conventurum inter nos posthac esse arbitror,
LACHES
Mater quod suasit sua
660
Adolescens mulier fecit: mirandumne id est?
Censen te posse reperire ullam mulierem
Quae careat culpa? an quia non delinquunt viri?
PHIDIPPUS
Vosmet videte iam, Lache et tu Pamphile,
Remissane opus sit vobis redductan domum.
665
Uxor quid faciat in manu non est mea:
Neutra in re vobis difficultas a me erit.
