Perde 4
[Textpart 1]
Perii: quid agam? quo me vertam? quid viro meo respondebo
MYRRHINA
Misera? nam audivisse vocem pueri visus est vagientis:
Ita corripuit derepente tacitus sese ad filiam.
Quod si rescierit peperisse eam, id qua causa clam me habuisse
Dicam non edepol scio.
520
Sed ostium concrepuit. Credo ipsum exire ad me: nulla sum.
PHIDIPPUS
Uxor ubi me ad filiam ire sensit, se duxit foras;
Atque eccam video. Quid ais, Myrrhina? Heus, tibi dico.
PHIDIPPUS
Vir ego tuus sim? tun virum me aut hominem deputas adeo esse?
Nam si utrumvis horum, mulier, unquam tibi visus forem,
525
Non sic ludibrio tuis factis habitus essem.
Peperit filia. Hem, taces? ex quo?
MYRRHINA
Istuc patrem rogare est aequum?
Perii: ex quo censes nisi ex illo cui data est nuptum, obsecro?
PHIDIPPUS
Credo; neque adeo arbitrari patris est aliter: sed demiror
Quid sit quamobrem tantopere omnes nos celare volueris
530
Partum, praesertim quum et recte et tempore suo pepererit.
