Perde 2
[Textpart 2]
Minime; nam postquam attendi
PHIDIPPUS
Magis, et vi coepi cogere ut rediret, sancte adiurat
Non posse apud vos Pamphilo se absente perdurare.
Aliud fortasse alii viti est: ego sum animo leni natus:
270
Non possum adversari meis.
LACHES
Certumne est istuc?
PHIDIPPUS
Nunc quidem ut videtur: sed numquid vis?
Nam est quod me transire ad forum iam oporteat.
[Textpart 3]
Edepol ne nos sumus inique aeque omnes invisae viris,
Sostrata
Propter paucas, quae omnes faciunt dignae ut videamur malo.
275
Nam, ita me Di ament, quod me accusat nunc vir sum extra noxiam.
Sed non facile est expurgatu; ita animum induxerunt socrus
Omnes esse iniquas: haud pol me quidem; nam nunquam secus
Habui illam ac si ex me esset nata: nec qui hoc mihi eveniat scio;
Nisi pol filium multimodis iam exspecto ut redeat domum.
280
