Perde 5
[Textpart 7]
Quae tute dudum coram me incusaveras.
PHORMIO
Satis superbe illuditis me.
915
Quia ne alteram quidem illam potero ducere:
Nam quo redibo ore ad eam quam contemserim?
CHREMES
Tum autem Antiphonem video ab sese amittere
DEMIPHO
Tum autem video filium
Invitum sane mulierem ab se amittere.
920
Sed transi sodes ad forum, atque illud mihi
Argentum rursum iube rescribi, Phormio.
PHORMIO
Quodne ego discripsi porro illis quibus debui
DEMIPHO
Quid igitur fiet?
PHORMIO
Si vis mihi uxorem dare,
Quam despondisti, ducam: sin est ut velis
925
Mancre illam apud te, dos hic maneat, Demipho.
Nam non est aequum me propter vos decipi,
Quum ego vestri honoris causa repudium alterae
Remiserim quae dotis tantundem dabat.
