Perde 3
[Textpart 3]
Ni instigemus etiam ut nullus locus relinquatur preci?
PHAEDRIA
Alius ab oculis meis illam in ignotum hinc abducet locum? Hem!
Tum igitur dum licet dumque adsum loquimini mecum, Antipho;
ANTIPHO
Quamobrem? aut quidnam facturus es cedo?
550
PHAEDRIA
Quoquo hinc asportabitur terrarum certum est persequi,
GETA
Di bene vertant, quod agas; pedetentim tamen.
ANTIPHO
Vide si quid opis potes afferre huic.
Ne quid plus minusve faxit quod nos post pigeat, Geta.
GETA
Quaero. Salvus est, ut opinor; verum enim metuo malum.
555
ANTIPHO
Noli metuere: una tecum bona mala tolerabimus.
GETA
Quantum tibi opus est argenti? loquere.
PHAEDRIA
Solae triginta minae.
GETA
Triginta? hui percara est, Phaedria.
PHAEDRIA
Istaec vero vilis est.
GETA
Age, age; inventas reddam.
