Perde 3
[Textpart 2]
Adeon te esse incogitantem atque impudentem, Phaedria,
DORIO
Ut phaleratis dictis ducas me, et meam ductes gratiis?
500
PHAEDRIA
Hei veris vincor.
GETA
Quam uterque est similis sui.
PHAEDRIA
Neque, Antipho alia quum occupatus esset sollicitudine,
Tum hoc esse mihi obiectum malum!
ANTIPHO
Ah, quid istuc autem est, Phaedria?
PHAEDRIA
O fortunatissime Antipho.
PHAEDRIA
Cui quod amas domi est;
Nec cum huiusmodi unquam usus venit ut conflictares malo.
505
ANTIPHO
Mihin domi est? immo, id quod aiunt, auribus teneo lupum.
Nam neque quomodo a me amittam invenio; neque uti retineam scio.
DORIO
Ipsum istuc mihi in hoc est.
ANTIPHO
Heia, ne parum leno sies.
PHAEDRIA
Hicine? quod homo inhumanissimus:
Pamphilam meam vendidit.
510
