Perde 2
[Textpart 3]
Quandoquidem solus regnas, et soli licet
405
PHORMIO
Hic de eadem causa bis iudicium adipiscier.
DEMIPHO
Etsi mihi facta iniuria est, verumtamen
Potius quam lites secter, aut quam te audiam,
Itidem ut cognata si sit, id quod lex iubet
Dotem dare, abduce hanc, minas quinque accipe.
410
PHORMIO
Ha, ha, he! homo suavis.
DEMIPHO
Quid est? num iniquum postulo?
An ne hoc quidelm adipiscar ego, quod ius publicum est?
PHORMIO
Itane tandem quæso, item ut meretricem ubi abusus sis,
Mercedem dare lex iubet ei atque amittere? An,
Ut ne quid turpe civis in se admitteret
415
Propter egestatem, proximo iussa est dari,
Ut cum uno aetatem degeret? quod tu vetas.
DEMIPHO
Ita proximo quidem! At nos unde? aut quamobrem—
DEMIPHO
Non agam? immo haud desinam,
