Prologos
[Textpart pr]
Quod ab ipso allatum est, sibi esse id rellatum putet.
PROLOGUS
De illo iam finem faciam dicendi mihi,
Peccandi quum ipse de se finem non facit:
Nunc quid velim animum attendite. Apporto novam
Epidicazomenon qnam vocant comoediam
25
Graeci, Latini Phormionem nominant;
Quia, primas partes qui aget, is erit Phormio
Parasitus, per quem res agetur maxime,
Voluntas vestra si ad poetam accesserit.
Date operam: adeste aequo animo per silentiumr;
30
Ne simili utamur fortuna atque usi sumus
Quum per tumultum noster grex motus loco est;
Quem actoris virtus nobis restituit locum,
Bonitasque vestra adiutans atque aequanimitas.
