Perde 5
[Textpart 5]
An in Astu venit? aliud ex alio malum.
PARMENO
Here, ne me spectes: me impulsore haec non facit.
LACHES
Omitte de te dicere: ego te, furcifer,
Si vivo—Sed istuc, quicquid est, primum expedi.
PARMENO
Is pro illo eunucho ad Thaidem deductus est.
990
PARMENO
Sic est: hunc pro moecho postea
Comprehendere intus, et constrinxere.
PARMENO
Audaciam meretricum specta.
Aliud mali damnive quod non dixeris
LACHES
Cesso huc introrumpere?
995
PARMENO
Non dubium est quin mihi magnum ex hac re sit malum;
Nisi quia necessus fuit hoc facere, id gaudeo,
Propter me hisce aliquid esse eventurum mali.
Nam iam diu aliquam causam quaerebat senex,
Quamobrem insigne aliquid faceret iis. Nunc repperit.
1000
