Perde 4
[Textpart 2]
Ubi ad ipsum veni diverticulum, constiti.
PHAEDRIA
Occepi mecum cogitare: Hem! biduum hic
635
Manendum est soli sine illa? quid tum postea?
Nihil est: quid? nihil? si non tangendi copia est,
Eho, ne videndi quidem erit? si illud non licet,
Saltem hoc licebit. Certe extrema linea
Amare haud nihil est. Villam praetereo sciens.
640
Sed quid hoc quod timida subito egreditur Pythias?
[Textpart 3]
Ubi ego illum scelerosum misera atque impium inveniam? aut ubi quaeram?
PYTHIAS
Hocine tam audax facinus facere esse ausum?
PHAEDRIA
Perii! hoc quid sit vereor.
PYTHIAS
Quin etiam insuper scelus, postquam ludificatus est virginem,
Vestem omnem miserae discidit; tum ipsam capillo conscidit.
645
PYTHIAS
Qui nunc si detur mihi,
Ut ego unguibus facile illi in oculos involem venefico.
PHAEDRIA
Nescio, quid profecto absente nobis turbatum est domi.
Adibo. Quid istuc? quid festinas? aut quem quaeris, Pythias?
PYTHIAS
Ehem, Phaedria, ego quem quaeram? ine hinc quo dignus es cum donis tuis
650
