Perde 5
[Textpart 4]
Si unquam ullum fuit tempus, mater, quum ego voluptati tibi
CLITIPHO
Fuerim, dictus filius tuus tua voluntate, obsecro,
1025
Eius ut memineris, atque inopis nunc te miserescat mei:
Quod peto, et volo, parentes meos ut commonstres mihi.
SOSTRATA
Obsecro, mi gnate, ne istuc in animum inducas tuum,
SOSTRATA
Miseram me! hocine quaesisti, obsecro?
Ita mihi atque huic sis superstes ut ex me atque ex hoc natus es.
1030
Et cave posthac, si me amas, unquam istuc verbum ex te audiam.
CHREMES
At ego, si me metuis, mores cave in te esse istos sentiam.
CHREMES
Si scire vis, ego dicam: gerro, iners, fraus, heluo,
Ganeo, damnosus: crede, et nostrum te esse credito.
CLITIPHO
Non sunt haec parentis dicta.
1035
CHREMES
Non si ex capite sis meo
1035
Natus, item ut aiunt Minervam esse ex Iove, ea causa magis
Patiar, Clitipho, flagitiis tuis me infamem fieri.
SOSTRATA
Di istaec prohibeant.
CHREMES
Deos nescio: ego quod potero sedulo.
