Perde 3
[Textpart 1]
Consilia ad adolescentes: et tibi perdere
CHREMES
Talentum hoc pacto satius est quam illo minam.
475
Non nunc pecunia agitur; sed illud, quomodo
Minimo periclo id demus adolescentulo.
Nam si semel tuum animum ille intellexerit,
Prius proditurum te tuam vitam, et prius
Pecuniam omnem, quam abs te amittas filium; hui,
480
Quantam fenestram ad nequitiam patefeceris!
Tibi autem porro ut non sit suave vivere:
Nam deteriores omnes sumus licentia.
Quodcunque inciderit in mentem volet: neque id
Putabit, pravum siet an rectum quod petet.
485
Tu rem perire et ipsum non poteris pati.
Dare denegaris; ibit ad illud ilico,
Quo maxime apud te se valere sentiet:
Abiturum se abs te esse ilico minabitur.
MENEDEMUS
Videre verum, atque ita uti res est, dicere.
490
CHREMES
Somnum hercle ego hac nocte oculis non vidi meis,
Dum id quaero tibi qui filium restituerem.
MENEDEMUS
Cedo dextram: porro te idem oro ut facias, Chreme.
