Perde 3
[Textpart 1]
Nam ut alia omittam, pytissando modo mihi
CHREMES
Quid vini absumsit! Sic hoc, dicens; Asperum,
Pater, hoc est; aliud lenius sodes vide.
Relevi dolia omnia, omnes serias;
460
Omnes sollicitos habui: atque haec una nox.
Quid te futurum censes quem assidue exedent?
Sic me Di amabunt, ut me tuarum miseritum est,
MENEDEMUS
Faciat quod libet:
Sumat, consumat, perdat, decretum est pati,
465
Dum illum modo habeam mecum.
CHREMES
Si certum est tibi
Sic facere, illud permagni referre arbitror,
Ut ne cientem sentiat te id sibi dare.
CHREMES
Quidvis potius quam quod cogitas:
Per alium quemvis ut des; falli te sinas
470
Technis per servulum; etsi subsensi id quoque,
Illos ibi esse et id agere inter se clanculum.
Syrus cum illo vestro consusurrat; conferunt
