Perde 4
[Textpart 1]
Etiam nunc me ducere istis dictis postulas?
PAMPHILUS
Quid istuc est?
645
CHARINUS
Postquam me amare dixi complacita est tibi.
645
Heu me miserum qui tuum animum ex animo spectavi meo.
CHARINUS
Nonne tibi satis esse hoc visum solidum est gaudium,
Nisi me lactasses amantem et falsa spe produceres.
PAMPHILUS
Habeam? ah nescis quantis in malis verser miser;
Quantasque hic suis consiliis mihi confecit sollicitudines
650
CHARINUS
Quid istuc tam mirum est de te si exemplum capit?
PAMPHILUS
Haud istuc dicas si cognoris vel me vel amorem meum.
CHARINUS
Scio: cum patre altercasti dudum: et is nunc propterea tibi
Succenset: nec te quivit hodie cogere illam ut duceres.
PAMPHILUS
Immo etiam, quo tu minus scis aerumnas meas,
655
Hae nuptiae non apparabantur mihi:
Nec postulabat nunc quisquam uxorem dare.
CHARINUS
Scio: tu coactus tua voluntate es.
