Perde 2
[Textpart 5]
Hodie uxorem ducas ut dixi volo.
BYRRHIA
Nunc nostrae timeo parti quid hic respondeat.
PAMPHILUS
Neque istic neque alibi tibi erit usquam in me mora.
420
Cum istuc quod postulo impetro cum gratia.
BYRRHIA
Herus, quantum audio, uxore excidit.
SIMO
I nunc iam intro; ne in mora cum opus sit sies.
BYRRHIA
Nullane in re esse homini cuiquam fidem?
425
Verum illud verbum est, vulgo quod dici solet,
Omnes sibi malle melius esse quam alteri.
Ego illam vidi virginem; forma bona
Memini videre: quo aequior sum Pamphilo,
Si se illam in somnis quam illum amplecti maluit.
430
Renuntiabo, ut pro hoc malo mihi det malum.
[Textpart 6]
Hic nunc me credit aliquam sibi fallaciam
