Şiir 3
sit satis anguibus horrificis
liba quod inpia corporibus
a! miseram peperere necem;
sufficiat semel ob facinus
plasma Dei potuisse mori.
185
oris opus, vigor igneolus
non moritur, quia flante Deo
conpositus superoque fluens '
de solio patris artificis
vim liquidae rationis habet.
190
viscera mortua quin etiam
post obitum reparare datur,
prisca renascitur effigies,
pulvereo coeunte situ.
195
credo equidem, neque vana fides,
corpora vivere more animae;
nam modo corporeum memini
de Phlegethonte gradu facili
ad superos remeasse Deum.
200
