Şiir 3
O crucifer bone, lucisator,
omniparens pie, Verbigena,
sed prius in genitore potens,
astra, solum, mare quam fierent,
5
huc nitido, precor, intuitu
flecte salutiferam faciem
fronte serenus et irradia,
nominis ut sub honore tui has
te sine dulce nihil, Domine,
nec iuvat ore quid adpetere,
pocula ni prius atque cibos,
Christe, tuus favor inbuerit,
omnia sanctificante fide.
15
fercula nostra Deum sapiant,
Christus et influat in pateras;
seria, ludicra, verba, iocos,
denique quod sumus aut agimus,
trina superne regat pietas.
20
